Vision 8

經上次晚餐，我覺得在荃灣區來講，質素算唔錯，所以今晚決定再來試下其他的菜色。

這餐廳是分2 場 - 7:00及8:30，首先我要讚下，原本我book 了7:30（屬於7:00個場），因為看醫生，遲了5mins才到，原本比walk in 客人先行一歩 取了我的枱(真係眼見住佢入去個隻）到我時即解釋，店員好友善咁要求剛入去的客人比返個位我們。真係要比個 LIKE 佢。

當晚我們加了$45/each, 叫了兩個餐。

粟米忌廉湯跟餐包送上，熱辣辣及入口好滑，waitress 還好細心，自動走來問有沒需要pepper。

沙律內有不同的菜，好新鮮而且份量亦唔細，配上Olive oil & 我最愛的黑醋，我鐘意。

磨姑配意式辣肉腸Pizza ，薄餅的餅底夠薄而且鬆脆，上面佈滿的磨姑及辣肉腸仍好juicy, 不會乾淨淨，Yummy。

厚切美國西冷扒，剛好7-8成熟，外皮燒得焦香，切開時不會血淋淋，但咬落又不覺靭, 好有肉汁，而薯菜好香好入味。

好在餐廳上菜都頗快，8:15 pm 開始已有人在門口等第2 埸。

Cambo

今天行經The One, 又差不多時間食飯，看完一輪，我們選擇了Cambo, 到逹時6:45 已滿座，餐廳座位尚算舒適，而上菜亦非常快。

海南雞飯 - 去骨海南雞嫰滑，飯充滿黃薑及雞油，而且還配上酸辣汁及豉油，我倆都喜愛，如果放在雞下面的菜熱多D，就100分。

炸蝦餅 - 賣相吸引，炸得亦好鬆脆。

蒜蓉炒椰菜苗 - 好新鮮及清甜，而且煮得好入味，如果可以再大碟就更加適合愛吃菜的我倆。

泰式青咖喱牛腩鍋 - 牛腩煲用爐一直保溫，所以每一口都香噴噴熱辣辣，而且牛腩份量好多，亦煮得好淋及非常入味，雖然係青咖喱，不過辣味慢慢滲出，配上法包一起吃，中和了辣味剛剛好，煲內還有其他配菜包括矮瓜，脆肉瓜，豆角都好好味。

後記 ： 原來這裡竟免加一，在這個位置有這樣的優惠，實在難得。

Chor Bazare Indian Cuisine

E-Kafe

今天約了好友吃飯吹水，在朋友提議下來到E-Kafe, 第一次去工廈的餐廳吃飯，感覺比想像中好。這裡的裝潢帶歐陸情懷，而坐位亦寛敞，岩曬三兩知己慢慢傾下計。

我倆叫了2個set dinner，首先來過 Salad , 裡面包括的番茄，楊桃，青瓜，加上黑醋及橄欖油，fresh!

蘑菇湯未送到上來，已聞到陣陣的香味，廚師做到有粒粒蘑菇的口感，我們好快便把它KO。

最近留意到好多廚師都用slow cook 方法去烹調， 而這裡剛剛有低溫浸煮滑雞胸配黑松露芝士汁，我倆當然不會錯過， 真係估不到用慢煮的方法，雞胸真係可以咁滑，一d都不似雞胸, 我倆以後一定對雞胸完全改觀，另外還加上焗秋葵，茄子，青瓜做配菜非常健康，可能係用了黑松露芝士汁，雖然芝士味不是太重，但吃完雞胸，我倆都飽了一半。

蒜油煎鲍魚菇扒伴牛肝菌黑松露意大利飯 ，好神奇-廚師竟然把鮑魚菇扒整到好似煎鵝肝的口感(有80%以上相似)而且好香（最重要係健康又滿足到食鵝肝的欲望），飯內加了洋蔥，牛肝菌及黑松露，而忌廉剛剛好，這裡的意大利飯好得意（外軟內卻有點硬，而好有善的侍應解釋外面餐廳的意大利飯係用真珠米造，所以口感會不同），而我個一向不愛太軟的飯，所以我反而喜歡這個意大利飯。

餐飲則很好，除了平日的奶茶咖啡外，還可以叫不同生果味的茶，最重要係不用額外加錢。我叫了蜜桃紅茶，清甜，而且有好濃的桃味，實在係我杯茶。

估唔到我們最後還叫了 Chocolate Mousse Cake , 帶濃郁朱古力味，又不太甜，而且好滑， 朋友都贊不絕口。

值得一提的係這裡的Service 好好， 除好好介紹及解釋菜色上的問題外，朋友買野後發現袋爛了，而waitress 亦好落意找私伙幫忙，真係值得比